CIES Football Observatory zertteýshileri Keındi 201,2 mıllıon eýroǵa baǵalady. Ekinshi oryndy brazılııalyq Neımar 195,7 mıllıonmen alsa, odan keıingi oryndarda Kılılıan Mbappe 186,5 mıllıon, Lıonel Messı 184,2 mıllıonmen tur. Alaıda PSJ Neımardy «Barselonadan» 222 mln eýroǵa satyp alǵanyn da eskergen abzal. Úzdik bestikte «Lıverpýl» oıynshysy Muhamed Salah 171,3 mln eýromen ornalasqan. Bes ret «Altyn dop» ıegeri atanǵan «Real» shabýylshysy Krıshtıaný Ronaldý bar joǵy 24-orynǵa taban tirepti. Onyń baǵasyn 103,4 mln dep baǵalaǵan. Aıta keteri zertteý reıtıngi aıaqdopshynyń jasy, pozısııasy, klýbtyq jáne ulttyq deńgeıdegi oıyndary men komanda jetistikterine baılanysty qurylǵan.
Rafael Nadaldiń 900 jeńisi
Rafael Nadal (Ispanııa) – Maksımılıan Marterer (Germanııa) – 6:3, 6:2, 7:6.
Nadal solaqaı nemispen básekelestikke birden beıimdele almady. Alaıda ıspandyq jyldam jınaqtalyp, Maksımılıan ashýyn turaqsyz bekhendter arqyly basty. Marterer sharshaǵandyqtan ekinshi setti kúressiz berdi, biraq úshinshige daıyndalyp otyrdy. Bul oıynda Rafaeldiń ózi de sharshaǵanymen óte taza jáne senimdi oıyn kórsetti. Týrnırde 38 setti qatarynan jeńip shyqty. Endi jartylaı fınalda Nadal Dıego Shvarsmanmen kezdesedi.
Materermen oıyndaǵy jeńisi Rafael Nadaldiń mansabyndaǵy 900-shi boldy. Mynadaı kórsetkishke osyǵan deıin tek Djımmı Konnors, Ivan Lendl, Gılermo Vılas, Rodjer Federer ǵana jetken bolatyn.
Synǵan aıaǵymen oınady
Shveısarııa quramasynyń hokkeıshisi Roman Iosı Álem kýboginiń fınalyn synǵan aıaǵymen ótkizdi. Komandanyń bas bapkeri Patrık Fısherdiń aıtýynsha 28 jastaǵy qorǵaýshy Kanadaǵa qarsy jartylaı fınalda jaraqat aldy. Bir qyzyǵy, Iosı fınaldyq oıynda 29 mınýt ótkizip, 2 assıstenttik jasap úlgergen.
Daıyndaǵan Yrysty Qadirbek
